పాన్ ఇండియా స్టార్ ప్రభాస్ ప్రస్తుతం వరుస ప్రాజెక్టులతో బిజీగా ఉన్నాడు. దర్శకుడు మారుతి డైరెక్షన్‌లో ఇప్పటికే ‘ది రాజాసాబ్’ చిత్ర షూటింగ్ జరుపుకుంటున్న ప్రభాస్.. మరో డైరెక్టర్ హను రాఘవపూడి డైరెక్షన్‌లో ‘ఫౌజీ’ అనే సినిమాలో నటించబోతున్నాడు. ఈ సినిమాకు సంబంధించిన అనౌన్స్‌మెంట్ ఆగస్టు 17న ఉంటుందని తెలుస్తోంది. అయితే, ఈ సినిమాలో ప్రభాస్ సరసన హీరోయిన్ ఎవరనే విషయంపై ఇప్పుడు మరోసారి చర్చ సాగుతోంది.
రీసెంట్‌గా ఈ సినిమా కోసం అందాల భామ మృణాల్ ఠాకూర్‌ని ఓకే చేశారని.. ప్రభాస్ సరసన ఆమె హీరోయిన్‌గా నటించబోతుందనే వార్తలు వినిపించాయి. దీనికి సంబంధించి సోషల్ మీడియాలో ఓ పోస్ట్‌కి మృణాల్ షాకింగ్ స్టేట్మెంట్ ఇచ్చింది. ఫౌజీ సినిమాలో తాను నటించడం లేదని ఆమె తెలిపింది. దీంతో ఇప్పుడు ఈ సినిమాలో హీరోయిన్‌గా త్రిషను సెలెక్ట్ చేస్తారనే టాక్ మళ్లీ వినిపిస్తోంది.
గతంలో ప్రభాస్‌తో కలిసి త్రిష మూడు సినిమాలు చేసింది. వీరిద్దరి కెమిస్ట్రీ బాగుంటుందని అభిమానులు కూడా అంటున్నారు. ఇన్నేళ్ల తరువాత మళ్లీ ప్రభాస్ సరసన త్రిష నటిస్తే బాగుంటుందని వారు భావిస్తున్నారు. అటు దర్శకుడు కూడా త్రిషకే ఛాన్స్ ఇచ్చే అవకాశాలు ఎక్కువగా కనిపిస్తున్నాయట. ఈ సినిమాలోని హీరోయిన్ పాత్రకు ఆమె అయితే పర్ఫెక్ట్‌గా సెట్ అవుతుందని చిత్ర యూనిట్ కూడా భావిస్తోందట. మరి నిజంగానే ఫౌజీలో హీరోయిన్ ఛాన్స్ త్రిషకే వెళ్తుందా.. లేదా.. అనేది వేచి చూడాలి.
