పాన్ ఇండియా స్టార్ ప్రభాస్ నటించిన ‘కల్కి 2898 AD’ బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాను దర్శకుడు నాగ్ అశ్విన్ డైరెక్ట్ చేయగా.. సైఫై మైథాలజీ అంశాలతో ఈ గ్రాండియర్ మూవీ అభిమానులను ఆకట్టుకోవడంలో సక్సెస్ అయ్యింది. బాక్సాఫీస్ దగ్గర ఏకంగా రూ.1100 కోట్లకు పైగా వసూళ్లతో దుమ్ము లేపింది.
రోజులు గడిచేకొద్ది ఈ సినిమా రన్ నెమ్మదించడం.. బాక్సాఫీస్ దగ్గర ఇతర సినిమాలు వరుసగా రిలీజ్ అవుతుండటంతో అందరూ కల్కి గురించి మర్చిపోయారు. కానీ, కల్కి మాత్రం తన సత్తా చాటుతూ దూసుకెళ్లింది. ఇప్పుడు ఏకంగా 50 రోజుల బొమ్మగా ‘కల్కి 2898 AD’ మరో రికార్డు క్రియేట్ చేసింది. ఇటీవల కాలంలో 50 రోజులు ఆడిన సినిమాలు చాలా తక్కువ. ఇప్పుడు ఈ ఫీట్‌ని కూడా కల్కి అందుకోవడంతో అభిమానులు పండగ చేసుకుంటున్నారు.
ప్రభాస్ హీరోగా తెరకెక్కిన ఈ సినిమాలో అమితాబ్ బచ్చన్, కమల్ హాసన్, దీపిక పదుకొనె, దిశా పటాని తదితరులు ఇతర ముఖ్య పాత్రల్లో నటించారు. ఈ సినిమాను వైజయంతి మూవీస్ బ్యానర్‌పై సి.అశ్వినీదత్ ప్రొడ్యూస్ చేశారు.
