మెగా పవర్ స్టార్ రామ్ చరణ్ తదుపరి శంకర్ దర్శకత్వంలో తెరకెక్కుతున్న గేమ్ చేంజర్ లో కనిపించనున్నాడు. ఈ చిత్రానికి సంబంధించిన షూటింగ్ పార్ట్ ను పూర్తి చేసి, తదుపరి ప్రాజెక్ట్ బుచ్చిబాబు దర్శకత్వంలో తెరకెక్కుతున్న చిత్రం కోసం రెడీ అవుతున్నాడు. అయితే రామ్ చరణ్ ఆస్ట్రేలియా లో ల్యాండ్ అయ్యాడు. అందుకు సంబంధించిన కొన్ని ఫోటోలు, వీడియోలు సోషల్ మీడియాలో వైరల్ గా మారాయి.
ఇండియన్ ఫిల్మ్ ఫెస్టివల్ ఆఫ్ మెల్బోర్న్ లో పాల్గొనేందుకు రామ్ చరణ్ వెళ్ళాడు. అయితే లేటెస్ట్ లుక్ మాత్రం అభిమానులని బాగా ఆకట్టుకుంటుంది. రామ్ చరణ్ లాంగ్ హెయిర్ తో పాటుగా, గడ్డంతో క్యాప్ ధరించి సూపర్ స్టైలిష్ గా కనిపిస్తున్నాడు. ఈ లుక్ కి ఫ్యాన్స్ ఫిదా అవుతున్నారు. బుచ్చిబాబు చిత్రం కోసం ఈ రేంజ్ లుక్ ను ప్లాన్ చేసినట్లు తెలుస్తోంది. అయితే షూటింగ్ కి ఇంకా సమయం ఉండటంతో ఫైనల్ లుక్ పై క్లారిటీ రావాల్సి ఉంది. ఇక RC16 లో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుండగా, ఆస్కార్ అవార్డు విన్నర్ రెహమాన్ సంగీతం అందిస్తున్నాడు. త్వరలో సినిమా సెట్స్ మీదకు వెళ్లనుంది.
