“దేవర” ఓవర్సీస్ డిస్ట్రిబ్యూషన్ డీటైల్స్ ఇవే!

యంగ్ టైగర్ ఎన్టీఆర్ హీరోగా నటిస్తున్న లేటెస్ట్ యాక్షన్ ఎంటర్టైనర్ దేవర సెప్టెంబర్ 27 న వరల్డ్ వైడ్ గా థియేటర్లలో రిలీజ్ కి రెడీ అవుతోంది. కొరటాల శివ దర్శకత్వంలో తెరకెక్కుతున్న ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుండగా, సైఫ్ అలీఖాన్ విలన్ పాత్రలో కనిపించనున్నాడు. ఈ చిత్రం కి సంబందించిన ఓవర్సీస్ డిస్ట్రిబ్యూషన్ పై తాజాగా ఓ క్లారిటీ వచ్చింది.

హంసిని ఎంటర్ టైన్మెంట్ వారు దేవర చిత్రాన్ని ఓవర్సీస్ లో రిలీజ్ చేయనున్నారు. ఇదే విషయాన్ని సోషల్ మీడియాలో తమ హ్యాండిల్ ద్వారా వెల్లడించారు. రాక్ స్టార్ అనిరుధ్ రవి చందర్ సంగీతం అందిస్తున్న ఈ చిత్రాన్ని ఎన్టీఆర్ ఆర్ట్స్ మరియు యువ సుధ ఆర్ట్స్ బ్యానర్ల పై నిర్మిస్తున్నారు. జనతా గ్యారేజ్ చిత్రం తరువాత కొరటాల శివ, ఎన్టీఆర్ కాంబినేషన్ లో వస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.