ఓటీటీ స్ట్రీమింగ్ డేట్ లాక్ చేసుకున్న ‘రాయన్’

తమిళ స్టార్ హీరో ధనుష్ నటించిన రీసెంట్ మూవీ ‘రాయన్’ బాక్సాఫీస్ దగ్గర మంచి విజయాన్ని అందుకుంది. ధనుష్ కెరీర్‌లో 50వ చిత్రంగా తెరకెక్కిన ఈ సినిమాను ఆయనే స్వయంగా డైరెక్ట్ చేశాడు. ఇక ఈ సినిమా పక్కా మాస్ యాక్షన్ డ్రామాగా తెరకెక్కిన తీరుకి ప్రేక్షకులు ఫిదా అయ్యారు. ఈ సినిమాకు తమిళ్‌తో పాటు తెలుగులోనూ మంచి రెస్పాన్స్ దక్కింది.

బాక్సాఫీస్ దగ్గర మంచి వసూళ్లు రాబట్టిన ఈ సినిమా ఓటీటీలో ఎప్పుడు స్ట్రీమింగ్ అవుతుందా అని అభిమానులు ఎంతో ఆసక్తిగా చూస్తున్నారు. అయితే, తాజాగా ఈ విషయంపై క్లారిటీ వచ్చేసింది. రాయన్ చిత్ర ఓటీటీ స్ట్రీమింగ్ రైట్స్‌ను ప్రముఖ ఓటీటీ ప్లాట్‌ఫామ్ అమెజాన్ ప్రైమ్ సొంతం చేసుకుంది. ఇక ఈ సినిమాను ఆగస్టు 23న ప్రైమ్‌లో స్ట్రీమింగ్ చేయబోతున్నట్లు తాజాగా అనౌన్స్ చేశారు.

ధనుష్ మాస్ అవతారంలో కనిపించిన ‘రాయన్’ సినిమాలో ఎస్.జె.సూర్య, ప్రకాశ్ రాజ్, సెల్వరాఘవన్, సందీప్ కిషన్, కాళిదాస్ జయరామ్, అపర్ణ బాలమురళి, వరలక్ష్మీ శరత్ కుమార్ వంటి మేటి నటీనటులు యాక్ట్ చేశారు. ఈ సినిమాకు ఏఆర్.రెహమాన్ సంగీతం అందించగా సన్ పిక్చర్స్ ఈ సినిమాను ప్రొడ్యూస్ చేసింది. మరి ఈ సినిమాకు ఓటీటీ ఆడియెన్స్ ఎలాంటి రెస్పాన్స్ ఇస్తారో తెలియాలంటే ఆగస్టు 23 వరకు వెయిట్ చేయాల్సిందే.