ప్రస్తుతం మన టాలీవుడ్ నుంచి రానున్న భారీ పాన్ ఇండియా చిత్రాల్లో మ్యాన్ ఆఫ్ మాసెస్ ఎన్టీఆర్ హీరోగా దర్శకుడు కొరటాల శివ తెరకెక్కిస్తున్న సెన్సేషనల్ ప్రాజెక్ట్ “దేవర” కోసం అందరికీ తెలిసిందే. మరి ఎన్టీఆర్ నుంచి సోలోగా వస్తున్న మొదటి పాన్ ఇండియా సినిమా ఇదే కావడంతో మరిన్ని అంచనాలు నెలకొన్నాయి.
ఇక ఈ సినిమాలో బాలీవుడ్ నటి జాన్వీ కపూర్ అలాగే నటుడు సైఫ్ అలీఖాన్ లు టాలీవుడ్ కి పరిచయం అవుతుండగా నేడు సైఫ్ బర్త్ డే కానుకగా అయితే మేకర్స్ ఒక ఇంట్రెస్టింగ్ గ్లింప్స్ ని ఇప్పుడు విడుదల చేశారు. మరి ఇందులో సైఫ్ అయితే అదరగొట్టాడు అని చెప్పాలి. దేవర ని ఢీ కొట్టే పవర్ఫుల్ విలన్ లా సైఫ్ తన పాత్రలో కనిపిస్తుండగా తనపై ఫైట్ సీక్వెన్స్ కానీ బాక్గ్రౌండ్ లో సెటప్ అంతా చూస్తుంటే కొరటాల ఏదో కొత్త లోకమే సృష్టించాడు అనిపిస్తుంది.
అలాగే రెండు డిఫరెంట్ షేడ్స్ లో సైఫ్ కనిపిస్తుండగా తనపై వదిలిన గ్లింప్స్ లో అనిరుద్ ఇచ్చిన స్కోర్ కూడా బావుంది. మొత్తానికి అయితే విలన్ ని కూడా కొరటాల ఓ రేంజ్ లోనే ప్లాన్ చేసాడని చెప్పాలి. ఇక ఈ చిత్రానికి ఎన్టీఆర్ ఆర్ట్స్, యువసుధ ఆర్ట్స్ నిర్మాణం అందిస్తుండగా ఈ సెప్టెంబర్ 27న సినిమా గ్రాండ్ గా రిలీజ్ కాబోతుంది.
