తమిళ హీరో విజయ్ ఆంటోని సినిమాలంటే తెలుగునాట కూడా మంచి క్రేజ్ ఉండేది. ఇప్పటికీ ఆయన సినిమా రిలీజ్ అవుతుందంటే కొంత ఆసక్తి ఖచ్చితంగా నెలకొంటుంది. ఆయన నటించిన రీసెంట్ మూవీ ‘తుఫాన్’ గురించి అందరికీ తెలిసిందే. ఈ సినిమా గతంలోనే రిలీజ్ కావాల్సి ఉన్నా, కొన్ని కారణాల వల్ల ఆగస్టు 9న రిలీజ్ అయ్యింది.
ఈ సినిమా రిలీజ్ అయిన విషయం చాలా తక్కువ మందికి తెలిసింది. దీంతో ఈ సినిమా డిజాస్టర్‌గా నిలిచింది. ఇక ఇప్పుడు చడీచప్పుడు లేకుండా ఈ సినిమా ఓటీటీలో ప్రత్యక్షమైంది. ప్రముఖ ఓటీటీ ప్లాట్‌ఫామ్ అమెజాన్ ప్రైమ్‌లో తుఫాన్ స్ట్రీమింగ్‌కి వచ్చేసింది. అయితే, ఓటీటీలో కేవలం తమిళ్ లోనే ఈ సినిమా అందుబాటులోకి వచ్చింది. దీంతో తెలుగులో ఈ సినిమా ఎప్పుడు వస్తుందా అని విజయ్ ఆంటోని అభిమానులు చూస్తున్నారు.
