సూపర్ స్టార్ మహేష్ బాబు కెరీర్‌లో క్లాసిక్ హిట్‌గా నిలిచిన చిత్రం ‘మురారి’ని ఇటీవల రీ-రిలీజ్ చేశారు. ఈ సినిమాను బిగ్ స్క్రీన్ పై చూసేందుకు ప్రేక్షకులు థియేటర్లకు మరోసారి క్యూ కట్టడంతో అదిరిపోయే రెస్పాన్స్ లభించింది. ఇక ఈ సినిమాలో మహేష్ క్లాస్ పర్ఫార్మెన్స్‌కి ప్రేక్షకులు ఫిదా అయ్యారు.
అయితే, ఈ సినిమా రీ-రిలీజ్‌కి ఇంత సాలిడ్ రెస్పాన్స్ రావడంతో సోషల్ మీడియాలో ఈ మూవీ సీక్వెల్‌కు సంబంధించి జోరుగా చర్చ సాగుతోంది. ఈ క్రమంలోనే మహేష్ బాబు తనయుడు గౌతమ్‌తో ‘మురారి-2’ మూవీ చేసేందుకు దర్శకుడు కృష్ణవంశీ సిద్ధంగా ఉన్నట్లు సోషల్ మీడియాలో ఓ వార్త జోరుగా చక్కర్లు కొడుతోంది. దీనికి సమాధానంగా కృష్ణవంశీ తాజాగా ట్వీట్ చేశారు.
‘మురారి’ సినిమాకు ఎలాంటి సీక్వెల్ లేదని ఆయన క్లారిటీ ఇచ్చారు. దీంతో నెట్టింట చక్కర్లు కొడుతున్న వార్తలకు ఫుల్‌స్టాప్ పడింది. ఇక ‘మురారి’ సినిమాలో అందాల భామ సోనాలి బింద్రే హీరోయిన్‌గా నటించగా మణిశర్మ సంగీతం అందించారు.
There is no sequel plz ???? https://t.co/5p9L15u8zF
— Krishna Vamsi (@director_kv) August 16, 2024
