బాలీవుడ్ స్టార్ హీరో అక్షయ్ కుమార్ నటించిన తాజా చిత్రం ఖేల్ ఖేల్ మే ఆగస్టు 15న గ్రాండ్ రిలీజ్ అయ్యింది. ఈ సినిమాను ముదస్సర్ అజీజ్ డైరెక్ట్ చేశారు. ఈ సినిమాను కంప్లీట్ ఫ్యామిలీ ఎంటర్‌టైనర్‌గా తీర్చిదిద్దామని.. ఈ సినిమాను చూసిన ఆడియెన్స్ మంచి రెస్పాన్స్ ఇస్తున్నారని మేకర్స్ అంటున్నారు.
ఈ సినిమాకు బాక్సాఫీస్ దగ్గర పాజిటివ్ టాక్‌తో పాటు మంచి కలెక్షన్స్ కూడా వస్తున్నాయని వారు తెలిపారు. ఈ సినిమాకు తొలిరోజు రూ.5.23 కోట్ల వసూళ్లు వచ్చాయని.. లాంగ్ వీకెండ్‌లో ఇవి ఖచ్చితంగా పెరుగుతాయని మేకర్స్ కాన్పిడెంట్ వ్యక్తం చేశారు. బాక్సాఫీస్ దగ్గర ఇతర చిత్రాలతో పోటీ ఉన్నప్పటికీ ఈ సినిమాకు ప్రేక్షకుల నుంచి మంచి ఆదరణ లభిస్తుందని నిర్మాతలు తెలిపారు.
ఇక ఖేల్ ఖేల్ మే చిత్రంలో అక్షయ్‌తో పాటు వాణి కపూర్, తాప్సీ పన్ను, ఫర్దీన్ ఖాన్, ప్రగ్యా జైస్వాల్ తదితరులు ఇతర ముఖ్య పాత్రల్లో నటించారు. ఈ సినిమాను భూషణ్ కుమార్, క్రిషన్ కుమార్, అశ్విన్ వర్దే, విపుల్ D. షా, రాజేష్ బహ్ల్, శశికాంత్ సిన్హా, అజయ్ రాయ్ నిర్మించారు.
