తమిళ స్టార్ హీరో థళపతి విజయ్ నటించిన తాజా చిత్రం ‘ది గోట్’ ఇప్పటికే షూటింగ్ పనులు ముగించుకుని రిలీజ్‌కి రెడీగా ఉంది. ఈ సినిమాను దర్శకుడు వెంకట్ ప్రభు డైరెక్ట్ చేస్తుండగా, పూర్తి స్పై యాక్షన్ థ్రిల్లర్‌గా ఈ మూవీ రానుంది. ఇక ఈ సినిమా ట్రైలర్‌ను తాజాగా మేకర్స్ రిలీజ్ చేశారు.
ఈ సినిమాలో విజయ్ రెండు వైవిధ్యమైన పాత్రల్లో నటిస్తున్నాడు. తండ్రి-కొడుకు పాత్రలో ఆయన కనిపించబోతున్నట్లు ఈ ట్రైలర్ చూస్తే అర్థమవుతుంది. ఇక మాజీ స్పై ఏజెంట్‌గా విజయ్ నటిస్తుండగా, తిరిగి ఓ టాస్క్ కోసం ఆయన రంగంలోకి దిగుతున్నట్లుగా ట్రైలర్ చూస్తే అర్థమవుతుంది. ఇక యాక్షన్ సీక్వెన్స్‌లకు ఈ సినిమాలో ఏమాత్రం లోటు లేదని ట్రైలర్‌లోనే చూపెట్టారు.
ఈ సినిమాలో కామెడీ, యాక్షన్ ప్రేక్షకులను ఆకట్టుకోబోతున్నాయని మేకర్స్ ట్రైలర్ ద్వారా చెప్పే ప్రయత్నం చేశారు. ప్రశాంత్, ప్రభుదేవా, మోహన్, జయరామ్, స్నేహ, లైలా, మీనాక్షి చౌదరి, అజ్మల్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు యువన్ శంకర్ రాజా సంగీతం అందిస్తుండగా AGS ఎంటర్‌టైన్‌మెంట్స్ బ్యానర్ ఈ చిత్రాన్ని ప్రొడ్యూస్ చేస్తోంది. ఈ చిత్రాన్ని సెప్టెంబర్ 5న వరల్డ్‌వైడ్‌గా రిలీజ్ చేసేందుకు మేకర్స్ రెడీ అయ్యారు.
