గతవారం థియేటర్లలోకి వచ్చిన చిత్రాల్లో ఆయ్ మంచి వసూళ్లతో బాక్సాఫీస్ వద్ద దూసుకు పోతుంది. గడిచిన 24 గంటల్లో 28 వేలకి పైగా బుక్ మై షోలో ఆయ్ చిత్రం టికెట్స్ ను బుక్ చేసుకున్నారు. గతవారం రిలీజైన డబుల్ ఇస్మార్ట్ మరియు మిస్టర్ బచ్చన్ లు ఆయ్ చిత్రం బుకింగ్స్ తో పోల్చితే చాలా తక్కువ అని చెప్పాలి. రిలీజ్ కి ముందు డిఫెరెంట్ గా ప్రమోషన్స్ తో ఆయ్ టీమ్ అలరించింది. ప్రచార చిత్రాలు, ట్రైలర్ సినిమాపై మరింత అంచనాలను పెంచాయి. ఈ చిత్రం లాంగ్ రన్ లో భారీ వసూళ్లను రాబట్టడం ఖాయం.
నార్నే నితిన్, నయన్ సారిక లు ప్రధాన పాత్రల్లో నటించిన ఈ చిత్రానికి అంజి కే. మణిపుత్ర దర్శకత్వం వహించాడు. ప్రముఖ నిర్మాణ సంస్థ GA2 పిక్చర్స్ పతాకంపై నిర్మించిన ఈ చిత్రానికి రామ్ మిరియాల సంగీతం అందించారు. ఈ చిత్రంలో అంకిత్ కోయ, రాజ్ కుమార్ కసిరెడ్డి, మైమ్ గోపి తదితరులు కీలక పాత్రల్లో నటించారు.
