సింగిల్ ట్రైలర్ తో “ది గోట్” పై ఒక్కసారిగా పెరిగిన అంచనాలు!

కోలీవుడ్ స్టార్ హీరో విజయ్ ప్రధాన పాత్రలో నటించిన లేటెస్ట్ మూవీ ది గోట్. దర్శకుడు వెంకట్ ప్రభు దర్శకత్వంలో తెరకెక్కిన ఈ చిత్రం సెప్టెంబర్ 5, 2024 న వరల్డ్ వైడ్ గా థియేటర్లలోకి రానుంది. ఈ చిత్రంలో హీరో విజయ్ డ్యూయల్ రోల్ లో నటించాడు. సినిమా రిలీజ్ డేట్ కి దగ్గర పడుతుండటంతో మేకర్స్ నిన్న ట్రైలర్ ను విడుదల చేసిన సంగతి అందరికీ తెలిసిందే. ఇప్పటి వరకూ రిలీజైన ప్రచార చిత్రాలు ఎలాంటి బజ్ ను క్రియేట్ చేయలేకపోయాయి. అయితే రిలీజైన ట్రైలర్ మాత్రం ఒక్కసారిగా అంచనాలను పెంచేసింది.

ట్రైలర్ ను చూసిన వారు అంతా కూడా థ్రిల్ ఫీల్ అవుతున్నారు. ప్రస్తుతం 30 మిలియన్స్ కి పైగా వ్యూస్ తో దూసుకు పోతుంది. లియో తరహాలో ఈ చిత్రం కూడా బాక్సాఫీస్ వద్ద భారీ వసూళ్లను రాబట్టడం ఖాయం అని అంటున్నారు. ఇక ఈ చిత్రంలో మీనాక్షి చౌదరి హీరోయిన్ గా నటించగా, ప్రశాంత్, ప్రభుదేవా, జయరామ్, లైలా, స్నేహ, యోగిబాబు తదితరులు కీలక పాత్రల్లో కనిపించనున్నారు. యువన్ శంకర్ రాజా సంగీతం అందిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.