కథానాయిక నిత్యామేనన్‌ ఇటీవలే ఉత్తమ నటిగా జాతీయ అవార్డును అందుకొని అందరి దృష్టిని ఆకర్షించి మెప్పించింది. ‘తిరుచిత్రాంబళం’లోని శోభన పాత్రకు గానూ నిత్యామేనన్‌ ఈ పురస్కారాన్ని అందుకుంది. ఈ సందర్భంగా తాజాగా ఇచ్చిన ఓ ఇంటర్వ్యూలో నిత్యామేనన్‌ మాట్లాడుతూ.. ‘నేను ఇంట్లో.. నా మిత్రులతో కలిసి రాబోయే ప్రాజెక్టు గురించి చర్చిస్తున్నా. అదే సమయంలో ధనుష్‌ ఫోన్‌ చేసి ‘అభినందనలు.. నీకు జాతీయ అవార్డు వచ్చింది’’ అని తెలిపారు.
నిజానికి నేను మొదట నమ్మలేదు. ఆయన నాతో జోక్‌ చేస్తున్నారని అనుకున్నాను. ఐతే, అది నిజం అని తెలిసాక, నాకు నమ్మశక్యంగా అనిపించ లేదు. ఈ అవార్డును ప్రకటించినప్పటి నుంచి వరుసగా కాల్స్‌ వస్తూనే ఉన్నాయి. జానర్‌.. కథను దృష్టిలో పెట్టుకోకుండా కేవలం శోభన పాత్రలోని నా నటనను గుర్తించి అవార్డుకు ఎంపిక చేసి జ్యూరీ సభ్యులకు కృతజ్ఞతలు చెప్పాలనుకుంటున్నాను’ అని నిత్యామేనన్‌ చెప్పారు.
