పాన్ ఇండియా స్టార్ ప్రభాస్ పై క్రిటిక్ అర్షద్ వర్సి అభ్యంతరకర కామెంట్స్ చేయడం, ఫ్యాన్స్ తో పాటు పలువురు సినీ ప్రముఖులు సైతం అతని పై ఆగ్రహాన్ని వ్యక్తం చేయడం తెలిసిందే. ‘కల్కి 2898ఏడీ’లో ప్రభాస్ పాత్ర జోకర్‌ అంటూ అర్షద్ నోరు జారడంపై నటుడు ఆది సాయి కుమార్ స్పందిస్తూ ట్వీట్ చేశారు. తన ట్వీట్ లో ఆది సాయి కుమార్ ఏం పోస్ట్ చేశారంటే.. ‘ఎటువంటి అభద్రతాభావం లేని నటుడు ప్రభాస్ అన్న. ఆయన లేకపోతే అసలు కల్కి సినిమాయే లేదు.
నిజానికి తన రోల్ చాలా అద్భుతంగా ఉందనిపించింది. ఆయనంటే అసూయేమో’ అని ఆది సాయి కుమార్ ట్వీట్ చేశారు. మరోవైపు అర్షద్ వర్సి వ్యాఖ్యలపై ప్రభాస్ ఫ్యాన్స్ తీవ్రంగా ఆగ్రహం వ్యక్తం చేస్తున్నారు. ఇప్పటికే, పాన్ ఇండియా ప్రొడ్యూసర్ అభిషేక్ అగర్వాల్ కూడా అర్షద్ వర్సి పై తీవ్రంగా రియాక్ట్ అయిన విషయం తెలిసిందే.
