బాలీవుడ్ స్టార్ అమితాబ్ బచ్చన్ తన వర్క్ పై ఇంట్రెస్టింగ్ కామెంట్స్ చేశారు. 81 ఏళ్ల వయసులోనూ తాను ఇంకా పనిచేస్తుండటంపై అమితాబ్ తన బ్లాగ్‌ లో ఏం చెప్పుకొచ్చారంటే.. ‘మీకు వయసు అయిపోయింది. ఈ వయసులో కూడా ఎందుకు అతిగా పని చేస్తున్నారు అని చాలామంది నన్ను అడుగుతూ ఉంటారు. పని తగ్గించుకోండి అని సలహా ఇస్తూ ఉంటారు. ఆ సమయంలో ఏం చెప్పాలో నాకు తెలియడం లేదు.
ఎందుకంటే నా వద్ద నిర్దిష్టమైన జవాబు లేదు. అవును, నేను ఎందుకు ఇంకా పని చేస్తున్నాను. ఈ ప్రశ్నకు సమాధానం ఒక్కటే అనిపిస్తోంది. అదే నాకు ఇప్పటికీ పని దొరకడం. దీని కంటే మరో కారణం ఏముంటుంది ?, అవును నేను 81 ఏళ్ల వయసులోనూ పనిచేస్తున్నా. మరీ నా పని వల్ల మీకేమైనా సమస్య ఉందా ?, లేదు అంటే.. వెళ్లి మీరు కూడా పనిచేసి, నేనెందుకు పని చేస్తున్నానో తెలుసుకోండి’ అని అమితాబ్ చెప్పుకొచ్చారు. ప్రస్తుతం అమితాబ్ కామెంట్స్ వైరల్ అవుతున్నాయి.
