ట్యాలెంటెడ్ నటుడు సుహాస్ హీరోగా నటిస్తున్న తాజా చిత్రం ‘జనక అయితే గనక’ ఇప్పటికే ప్రేక్షకుల్లో మంచి బజ్‌ను క్రియేట్ చేసింది. ఈ సినిమాను పూర్తి కామెడీ అండ్ ఫ్యామిలీ డ్రామాగా చిత్ర యూనిట్ తెరకెక్కించింది. ఈ సినిమా నుంచి ఇప్పటికే రిలీజ్ అయిన పోస్టర్స్, టీజర్ ఈ సినిమాపై అంచనాలు ఏర్పడేలా చేశాయి. అయితే, తాజాగా ఈ సినిమా నుంచి తొలి సింగిల్ సాంగ్‌ను మేకర్స్ రిలీజ్ చేశారు.
‘నా ఫేవరెట్ నా పెళ్లాం’ అంటూ సాగే ఈ పాట మెలోడి ట్యూన్‌తో సంగీత దర్శకుడు విజయ్ బుల్గనిన్ కంపోజ్ చేశారు. కృష్ణకాంత్ అందించిన లిరిక్స్ చాలా సింపుల్‌గా ఉండటంతో ఈ పాట అందరికీ బాగా నచ్చుతుంది. తన భార్యపై తనకున్న ప్రేమను ఈ పాటలో హీరో వ్యక్త పరుస్తున్నాడు. ఇక ఈ సినిమాలోని కంటెంట్ అన్ని వర్గాల ప్రేక్షకులను మెప్పిస్తుందని మేకర్స్ ధీమా వ్యక్తం చేస్తున్నారు.
సంగీర్తన విపిన్ హీరోయిన్‌గా నటిస్తున్న ఈ సినిమాలో రాజేంద్ర ప్రసాద్, వెన్నెల కిషోర్, మురళీ శర్మ, గోపరాజు రమణ తదితరులు ఇతర ముఖ్య పాత్రల్లో నటిస్తున్నారు. సందీప్ రెడ్డి బండ్ల డైరెక్ట్ చేస్తున్న ఈ సినిమాను దిల్ రాజు ప్రొడక్షన్స్ బ్యానర్‌పై హర్షిత్ రెడ్డి, హన్షితా రెడ్డి ప్రొడ్యూస్ చేస్తున్నారు.
