చైల్డ్ ఆర్టిస్ట్ నుంచి హీరోగా మారిన ఆకాష్ పూరి( ఇప్పుడు ఆకాష్ జగన్నాధ్) చాలా సెలెక్టివ్‌గా సినిమాలను ఎంచుకుంటున్నాడు. అయితే, అతడు ఎదురుచూస్తున్న సూపర్ హిట్ సక్సెస్ మాత్రం ఇంకా దక్కలేదు. ఇక ఇప్పుడు ఓ పాన్ ఇండియా మూవీతో ప్రేక్షకుల ముందుకు వచ్చేందుకు సిద్ధమవుతున్నాడు ఈ యంగ్ హీరో.
కాశి పరశురామ్ డైరెక్షన్‌లో ‘తల్వార్’ అనే సినిమాలో ఆకాష్ నటిస్తున్నాడు. ఈ సినిమాకు సంబంధించిన టైటిల్‌ను తాజాగా అనౌన్స్ చేశారు. ఇక ఈ చిత్ర ఫస్ట్ లుక్ పోస్టర్‌ను కూడా మేకర్స్ రిలీజ్ చేశారు. ఈ ఇంటెన్స్ పోస్టర్‌లో ఆకాష్‌ని ఒకపక్క నుంచే చూపెట్టారు. ఇక ఈ పోస్టర్ చూస్తుంటే, ఇదొక యాక్షన్ ఎంటర్‌టైనర్ మూవీగా రాబోతున్నట్లు అర్థమవుతోంది. ఈ సినిమా ప్రారంభోత్సవం నేడు హైదరాబాద్‌లో జరిగింది. ప్రముఖ రచయిత విజయేంద్ర ప్రసాద్ క్లాప్‌నివ్వగా, హీరో కార్తికేయ స్క్రిప్ట్ హ్యాండోవర్ చేశారు. దర్శకుడు బాబీ కెమెరా స్విచ్చాన్ చేయగా, బుచ్చిబాబు సాన ఫస్ట్ షాట్‌కి దర్శకత్వం వహించారు.
ఇక ఈ సినిమాను వార్నిక్ స్టూడియోస్ బ్యానర్ ప్రొడ్యూస్ చేస్తుండగా, కేశవ కిరణ్ ఈ చిత్రానికి సంగీతం అందిస్తున్నారు. ఈ సినిమాకు సంబంధించిన మరిన్ని వివరాలను త్వరలోనే అనౌన్స్ చేసేందుకు మేకర్స్ సిద్ధమవుతున్నారు.
