టాలెంటెడ్ యాక్టర్ సుహస్ వరుస సినిమాలతో బిజీగా ఉన్నాడు. ఈ నటుడు నటించిన ప్రసన్నవదనం చిత్రం బాక్సాఫీస్ వద్ద డీసెంట్ గా పెర్ఫామ్ చేసింది. ఈ చిత్రం మరోసారి వార్తల్లో నిలిచింది. ఈ చిత్రం యొక్క శాటిలైట్ హక్కులను ప్రముఖ టీవీ ఛానల్ అయిన స్టార్ మా సొంతం చేసుకున్న సంగతి అందరికీ తెలిసిందే. ఇప్పుడు ఈ చిత్రం వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
వచ్చే ఆదివారం సాయంత్రం 6:00 గంటలకు స్టార్ మా లో ప్రసారం కానుంది. ఈ చిత్రంలో పాయల్ రాధాకృష్ణ, రాశి సింగ్, నందు, హర్ష చెముడులు కీలక పాత్రల్లో నటించారు. అర్జున్ వై. కే దర్శకత్వంలో తెరకెక్కిన ఈ చిత్రానికి విజయ్ బుల్గానిన్ సంగీతాన్ని అందించాడు. బుల్లితెర పై ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.
