స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. ఈ చిత్రంలో జాన్వీ కపూర్ హీరోయిన్ గా నటిస్తోంది. ఐతే, వచ్చే నెల మొదటి వారంలో ‘ఎన్టీఆర్ – జాన్వీ’ పై చివరి పాటను షూట్ చేస్తారని.. ఈ సాంగ్ తో దేవర షూట్ మొత్తం పూర్తి అవుతుందని టాక్. లాస్ట్ షెడ్యూల్ లో కీలకమైన యాక్షన్ సీన్స్ ను పూర్తి చేశారు. అలాగే, వచ్చే వారంలో ఎన్టీఆర్, షైన్ టామ్ చాకో, ప్రకాష్ రాజ్ ల పై బ్యాలెన్స్ షూట్ కూడా శరవేగంగా ఫినిష్ చేస్తారట.
మొత్తానికి ‘దేవర పార్ట్ 1’ షూట్ సాంగ్ తో ఎండ్ కాబోతుంది. కాగా ఈ సినిమాలో బాలీవుడ్ స్టార్ సైఫ్ అలీఖాన్ విలన్ గా నటిస్తున్నాడు. మొత్తానికి
దేవర సినిమాపై రోజురోజుకూ అంచనాలు పెరుగుతున్నాయి. అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ సినిమాలో షైన్ టామ్ చాకో, ప్రకాష్ రాజ్ లతో పాటు శ్రీకాంత్ తదితరులు కూడా కీలక పాత్రల్లో నటిస్తున్నారు. ఇక దేవర సినిమా సెప్టెంబర్ 27న రిలీజ్ కానుంది.
