ఓజి గురించి ఇంట్రెస్టింగ్ పోస్ట్ షేర్ చేసిన థమన్!

పవర్ స్టార్ పవన్ కళ్యాణ్ ప్రధాన పాత్రలో, టాలెంటెడ్ డైరెక్టర్ సుజీత్ దర్శకత్వంలో తెరకెక్కుతున్న గ్యాంగ్ స్టర్ డ్రామా ఓజి. ప్రస్తుతం పవన్ కళ్యాణ్ రాజకీయాల్లో బిజీగా ఉండటంతో సినిమా షూటింగ్ కాస్త ఆలస్యం అయ్యింది. ఈ క్రేజీ కాంబినేషన్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజైన ప్రచార చిత్రాలు ప్రేక్షకులని బాగా అలరించాయి. ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్న సంగతి అందరికీ తెలిసిందే.

తాజాగా మరొక ఇంట్రెస్టింగ్ పోస్ట్ ను షేర్ చేశారు థమన్. సిల్వర్ స్క్రీన్ పై స్టార్మ్ ముందు ప్రశాంతంగా ఉండండి అంటూ చెప్పుకొచ్చారు. అంతేకాక త్వరలో కలుద్దాం అని పేర్కొన్నాడు. ఈ పోస్ట్ వైరల్ గా మారుతోంది. పవన్ కళ్యాణ్ వకీల్ సాబ్ మరియు భీమ్లా నాయక్ చిత్రాలకి థమన్ అద్దిరిపోయే మ్యూజిక్ అందించారు. దీంతో, ఈ చిత్రంపై భారీ అంచనాలు ఉన్నాయి. ఈ చిత్రంలో ప్రియాంక మోహన్ హీరోయిన్ గా నటిస్తుండగా, ఇమ్రాన్ హష్మీ, అర్జున్ దాస్, శ్రియా రెడ్డి తదితరులు కీలక పాత్రల్లో కనిపించనున్నారు.