నాని హీరోగా నటించిన లేటెస్ట్ యాక్షన్ ఎంటర్టైనర్ సరిపోదా శనివారం ఈ నెల 29 వ తేదీన విడుదల కానుంది. వివేక్ ఆత్రేయ దర్శకత్వంలో తెరకెక్కిన ఈ చిత్రంలో ప్రియాంక మోహన్ హీరోయిన్ గా నటించగా, ఎస్ జే సూర్య విలన్ పాత్రలో నటించాడు. సినిమా రిలీజ్ కి దగ్గర పడుతున్న నేపథ్యంలో టీమ్ ప్రమోషన్స్ ను వేగవంతం చేయడం జరిగింది. అందులో భాగంగా పలు ఇంటర్వ్యూలు ఇస్తున్నారు.
అయితే సుమ చేసిన ఇంటర్వ్యూలో హీరో నాని, ప్రియాంక, ఎస్. జే. సూర్య లు పాల్గొన్నారు. నాని మరియు పవన్ కళ్యాణ్ లలో కామన్ పాయింట్ గురించి అడగగా, హీరో నాని ఇంట్రెస్టింగ్ కామెంట్స్ చేశాడు. తనకు సినిమా అంటే పిచ్చి అని చెప్పిన నాని, పవన్ కళ్యాణ్ మాత్రం ప్రజల కోసం అని అన్నారు. అంతేకాక యాక్టింగ్ అనేది ఒక రూట్ అయ్యింది అని నాని అన్నాడు. నాని పవన్ పై చేసిన ఈ కామెంట్స్ సోషల్ మీడియాలో వైరల్ అవుతున్నాయి. ఇరువురు ఫ్యాన్స్ మాత్రం సంతోషం వ్యక్తం చేస్తున్నారు.
