తమిళ ప్రముఖ నటుడు అలాగే సంగీత దర్శకుడు కూడా అయినటువంటి విజయ్ ఆంటోనీ ఇప్పుడు హీరోగానే పలు సినిమాలు చేస్తున్న సంగతి తెలిసిందే. అలా ఈ ఏడాదిలో తాను నటించిన రెండు సినిమాలు వచ్చాయి. మరి వాటిలో లేటెస్ట్ సినిమానే “తూఫాన్”. దర్శకుడు విజయ్ మిల్టన్ తెరకెక్కించిన ఈ చిత్రంలో మేఘా ఆకాష్ హీరోయిన్ గా నటించింది. అయితే ఈ సినిమా థియేటర్స్ లోకి వచ్చిన కొన్ని రోజుల్లోనే ఓటిటిలో వచ్చేసింది.
తమిళ్ లో గత వారమే అందుబాటులోకి వచ్చిన ఈ సినిమా ఇప్పుడు తెలుగులో కూడా స్ట్రీమింగ్ కి వచ్చేసింది. ఈ సినిమా హక్కులు ప్రముఖ సంస్థ అమెజాన్ ప్రైమ్ వీడియో సొంతం చేసుకోగా ఇప్పుడు ఇందులోనే తెలుగులో కూడా స్ట్రీమింగ్ కి వచ్చేసింది. మరి విజయ్ ఆంటోనీ సినిమాలు చూడాలి అనుకునేవారు అయితే ఈ చిత్రాన్ని ఇందులో చూడొచ్చు. ఇక ఈ చిత్రానికి అచ్చు, విజయ్ ఆంటోనీలు సంగీతం అందించగా ఇన్ఫినిటీ ఫిలిం వెంచర్స్ వారు నిర్మాణం వహించారు.
