ప్రముఖ నటుడు రావు రమేశ్ లీడ్ రోల్‌లో నటించిన తాజా చిత్రం ‘మారుతీ నగర్ సుబ్రమణ్యం’ థియేటర్లలో సందడి చేస్తోంది. ఈ సినిమాను దర్శకుడు లక్ష్మణ్ కార్య పూర్తి ఫ్యామిలీ ఎంటర్‌టైనర్‌గా రూపొందించాడు. ఇక ఈ సినిమాలో రావు రమేశ్ పర్ఫార్మెన్స్‌కి ప్రేక్షకుల నుంచి మంచి రెస్పాన్స్ దక్కుతోంది.
అయితే, ఈ సినిమాను ఫ్యామిలీలు వీక్షించేందుకు వీలుగా చిత్ర యూనిట్ తాజాగా ఓ డేరింగ్ స్టెప్ తీసుకున్నారు. ఈ సినిమాకు సంబంధించి నైజాం ఏరియాలోని అన్ని మల్టీప్లెక్స్ థియేటర్లలో ఒక్కో టికెట్ ధరను రూ.150 గా నిర్ణయించారు. దీంతో ఈ వీకెండ్ ప్రేక్షకులు తమ ఫ్యామిలీతో కలిసి వెళ్లి ఈ సినిమాను ఎంజాయ్ చేయొచ్చని చిత్ర యూనిట్ తెలిపింది.
ఈ సినిమాలో నటి ఇంద్రజ, అంకిత్ కొయ్య, రమ్య పసుపులేటి ఇతర ముఖ్య పాత్రల్లో నటించారు. కళ్యాణ్ నాయక్ మ్యూజిక్ అందించిన ఈ సినిమాను సుకుమార్ భార్య తబిత సుకుమార్ ప్రెజెంట్ చేశారు.
