నివేదా థామస్, విశ్వదేవ్ రాచకొండ మరియు ప్రియదర్శి కీలక పాత్రల్లో నటించిన 35 చిన్న కథ కాదు చిత్రం కొత్త రిలీజ్ డేట్ ను ఫిక్స్ చేసుకుంది. ఆగస్టు 15 వ తేదీన థియేటర్ల లోకి రావాల్సిన ఈ చిత్రం కొన్ని కారణాల వలన వాయిదా పడింది. తాజాగా ఈ చిత్రాన్ని సెప్టెంబర్ 6, 2024 న రిలీజ్ చేస్తున్నట్లు సరికొత్త పోస్టర్ ద్వారా ప్రకటించారు మేకర్స్. ఈ చిత్రం కోలీవుడ్ స్టార్ యాక్టర్ విజయ్ యొక్క గోట్ చిత్రంతో క్లాష్ కి సిద్ధమైంది.
సినిమా నుండి రిలీజైన ప్రచార చిత్రాలు ప్రేక్షకులను బాగా అలరించాయి. రానా దగ్గుపాటి సమర్పణలో వస్తున్న ఈ చిత్రంలో గౌతమి, భాగ్యరాజ్, కృష్ణ తేజ, అరుణ్ దేవ్, అభయ్ మరియు అనన్య కీలక పాత్రల్లో కనిపించనున్నారు. నంద కిషోర్ ఈమని దర్శకత్వం వహించారు. తెలుగు తో పాటుగా తమిళం మరియు మలయాళంలో విడుదల కానున్న ఈ చిత్రానికి వివేక్ సాగర్ సంగీతం అందించారు.
