టాలీవుడ్ యంగ్ హీరో శ్రీ విష్ణు చివరిసారిగా ఓం భీమ్ బుష్ చిత్రంలో కనిపించాడు. ఈ చిత్రం ప్రేక్షకులని బాగా ఆకట్టుకుంది. బాక్సాఫీస్ వద్ద మంచి ఓపెనింగ్స్ ను అందుకుంది. ఈ చిత్రం తర్వాత స్వాగ్ అంటూ ఇంట్రెస్టింగ్ ప్రాజెక్ట్ ను అనౌన్స్ చేశాడు శ్రీ విష్ణు. ఈ చిత్రం నుండి రిలీజైన ప్రచార చిత్రాలు ప్రేక్షకులని బాగా ఎట్రాక్ట్ చేశాయి. సినిమా రిలీజ్ కోసం ఎంతో ఆసక్తిగా ఎదురు చూస్తున్నారు.
ఈ చిత్రం టీజర్ ను మరో మూడు రోజుల్లో రిలీజ్ చేయనున్నట్లు సరికొత్త పోస్టర్ ద్వారా వెల్లడించారు. ఆగస్టు 29 వ తేదీన ఈ టీజర్ విడుదల కాబోతుంది. ఇక ఈ చిత్రంలో రీతూ వర్మ హీరోయిన్ గా నటిస్తుండగా, మీరా జాస్మిన్, దక్షా నగర్కార్, శరణ్య ప్రదీప్ లు కీలక పాత్రల్లో కనిపించనున్నారు. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మిస్తున్న ఈ చిత్రానికి హసిత్ గోలి రచన మరియు దర్శకత్వం వహిస్తున్నాడు.
