టాలీవుడ్‌లో తెరకెక్కుతున్న ప్రెస్టీజియ్ చిత్రం ‘దేవర’ కోసం ప్రేక్షకులు ఎంత ఆసక్తిగా ఎదురుచూస్తున్నారో అందరికీ తెలిసిందే. మ్యాన్ ఆఫ్ మాసెస్ జూ.ఎన్టీఆర్ ‘ఆర్ఆర్ఆర్’ తరువాత నటిస్తున్న సినిమా కావడం.. దర్శకుడు కొరటాల శివతో రెండోసారి చేతులు కలపడం.. కలగలిసి ‘దేవర’ సినిమాపై అంచనాలను పీక్స్‌లోకి తీసుకెళ్లాయి. ఇక వీటికి తోడు ఈ చిత్ర పోస్టర్స్, టీజర్, సాంగ్స్ ఈ అంచనాలను అమాంతం రెట్టింపు చేశాయి.
అయితే, ఇప్పుడు ‘దేవర’ మూవీ రిలీజ్‌కి దగ్గర పడుతుండటంతో అభిమానుల్లో ఉత్కంఠ మరింత పెరిగింది. ‘దేవర’ చిత్రాన్ని రెండు భాగాలుగా రిలీజ్ చేయాలని మేకర్స్ ప్లాన్ చేశారు. తొలి భాగాన్ని సెప్టెంబర్ 27న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అయ్యింది. ఇక ఈ సినిమాలో ఎన్టీఆర్ రెండు పాత్రల్లో నటిస్తుండటంతో అభిమానులు ‘దేవర’ను ఎప్పుడెప్పుడు చూద్దామా అని ఆతృతగా చూస్తున్నారు.
కాగా, ‘దేవర’ చిత్రానికి మేకర్స్ భారీ ప్లాన్ చేస్తున్నారు. ఈ చిత్రానికి మిడ్‌నైట్ షోలు వేసేందుకు వారు సిద్ధమవుతున్నారు. సినీ సర్కిల్స్ సమాచారం ప్రకారం ‘దేవర’ చిత్రానికి అర్ధరాత్రి 1 గంటకు ప్రత్యేక షోలు వేయాలని, వరల్డ్ వైడ్‌గా ఈ షోలను అత్యధిక సంఖ్యలో వేసేందుకు వారు ప్లాన్ చేస్తున్నారు. దీంతో థియేటర్లలో అభిమానులు జాతర వాతావరణం క్రియేట్ చేయడం ఖాయమని.. దేవర టాక్ గనక పాజిటివ్ వస్తే.. ఉదయం మార్నింగ్ షో పడేలోపే పాత రికార్డులకు పాతర పడటం ఖాయమని పలువురు నెట్టింట కామెంట్ చేస్తున్నారు. మరి నిజంగానే ‘దేవర’ మూవీతో పాత రికార్డులకు పాతర వేసి, అభిమానులు జాతర చేస్తారా అనేది వేచి చూడాలి.
