టాలీవుడ్ నటి హెబ్బా పటేల్ ఇటీవల వరుసగా సినిమాలు చేస్తూ బాక్సాఫీస్ దగ్గర సందడి చేస్తోంది. ఆమె హీరోయిన్‌గా చైతన్య కృష్ణ హీరోగా నటించిన చిత్రం ‘హనీమూన్ ఎక్స్‌ప్రెస్’ జూన్ 21న థియేటర్లలో రిలీజ్ అయ్యింది. ఈ సినిమాను బాల రాజశేఖరుని డైరెక్ట్ చేయగా, ఈ సినిమాలో సుహాసిని, తనికెళ్ల భరణి తదితరులు ఇతర ముఖ్య పాత్రల్లో నటించారు.
అయితే, ఈ సినిమా ఇప్పుడు సైలెంట్‌గా ఓటీటీలోకి వచ్చేసింది. ప్రముఖ ఓటీటీ ప్లాట్‌ఫామ్ అమెజాన్ ప్రైమ్‌లో నేటి నుండి ఈ సినిమా స్ట్రీమింగ్ అవుతోంది. ఓ కొత్త జంటకు పెళ్లి తరువాత విభేదాలు రావడంతో, వారు ‘హనీమూన్ ఎక్స్‌ప్రెస్’ రిసార్టులో ఎలా కనెక్ట్ అయ్యారనే కథతో ఈ సినిమా వచ్చింది. కానీ, థియేటర్లలో ప్రేక్షకులను ఈ సినిమా అలరించ లేకపోయింది.
ఇక ఇప్పుడు ఓటీటీలో స్ట్రీమింగ్ అవుతుండటంతో, ఓటీటీ ఆడియెన్స్‌ను ఇంప్రెస్ చేస్తుందని మేకర్స్ భావిస్తున్నారు. ఈ చిత్రానికి కళ్యాణి మాలిక్ సంగీతం అందించగా.. KKR, బాల రాజ్ ఈ చిత్రాన్ని ప్రొడ్యూస్ చేశారు.
