టాలీవుడ్ అగ్ర హీరో, అక్కినేని నాగార్జున నటించిన నా సామిరంగ చిత్రం థియేటర్లలో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. బాక్సాఫీస్ వద్ద మంచి వసూళ్లను రాబట్టి, సూపర్ హిట్ గా నిలిచింది. ఈ చిత్రం హిందీ వెర్షన్ యూట్యూబ్ లో రిలీజ్ కాగా, అక్కడ కూడా సూపర్ రెస్పాన్స్ తో దూసుకు పోతుంది.
ఇప్పటి వరకూ యూట్యూబ్ లో 50 మిలియన్స్ కి పైగా వ్యూస్ వచ్చాయి. 600కే కి పైగా లైక్స్ వచ్చాయి. విజయ్ బిన్నీ దర్శకత్వంలో తెరకెక్కిన ఈ చిత్రంలో రాజ్ తరుణ్, అల్లరి నరేష్, అషికా రంగనాథ్, రుక్సర్ దిల్లాన్, మిర్ణా లు కీలక పాత్రల్లో నటించారు. శ్రీనివాస సిల్వర్ స్క్రీన్ బ్యానర్ పై నిర్మించిన ఈ చిత్రానికి ఆస్కార్ అవార్డు విన్నర్ అయిన ఎంఎం కీరవాణి సంగీతం అందించాడు.
