ట్యాలెంటెడ్ యాక్టర్ సుహాస్ నటిస్తున్న తాజా చిత్రం ‘జనక అయితే గనక’ ఇప్పటికే పోస్టర్స్, టీజర్‌లతో మంచి అంచనాలు క్రియేట్ చేసింది. ఈ సినిమా కంప్లీట్ ఎంటర్‌టైనర్‌గా వస్తుందని మేకర్స్ చెబుతూ వస్తున్నారు. ఇక ఈ సినిమాకు సంబంధించిన థియేట్రికల్ ట్రైలర్‌ను తాజాగా రిలీజ్ చేశారు.
ఈ ట్రైలర్ ఆద్యంతం కామెడీతో నవ్వులు పూయించింది. సుహాస్, వెన్నెల కిషోర్‌ల మధ్య వచ్చే కామెడీ సీన్స్ ప్రేక్షకులను పూర్తిగా అలరించే విధంగా ఉండబోతున్నాయని ఈ ట్రైలర్ చూస్తే అర్థమవుతోంది. అటు సుహాస్ ఫ్యామిలీ మెంబర్స్ మధ్య సాగే సీన్స్‌లోనూ కామెడీ ఫ్లేవర్ కనిపిస్తుంది. కోర్టు సీన్స్‌లోనూ కామెడీ డోస్ కనిపించడంతో ఈ సినిమా కంప్లీట్ ఎంటర్‌టైనర్‌గా ఆడియెన్స్‌ను నవ్వించేందుకు సిద్ధమవుతోంది. అటు భార్యాభర్తల మధ్య రిలేషన్.. కొడుకు-తండ్రి మధ్య ఎమోషన్స్ కూడా ఈ సినిమాలో ఉండబోతున్నాయి.
దీంతో సుహాస్ ఈసారి కామెడీతో పాటు కంటెంట్‌ను కూడా పట్టుకొస్తున్నాడని ట్రైలర్ చూస్తే అర్థమవుతోంది. ఈ సినిమాలో సంగీర్తన విపిన్ హీరోయిన్‌గా నటిస్తుంది. గోపరాజు రమణ, రాజేంద్ర ప్రసాద్ తదితరులు ఇతర ముఖ్య పాత్రల్లో నటిస్తున్నారు. విజయ్ బుల్గనిన్ ఈ చిత్రానికి సంగీతం అందిస్తుండగా సందీప్ బండ్ల ఈ చిత్రాన్ని డైరెక్ట్ చేస్తున్నాడు. హర్షిత్ రెడ్డి, హన్షితా రెడ్డి ప్రొడ్యూస్ చేస్తున్న ఈ సినిమాను సెప్టెంబర్ 7న గ్రాండ్ రిలీజ్ చేసేందుకు మేకర్స్ రెడీ అవుతున్నారు.
