పవర్ స్టార్ పవన్ కళ్యాణ్ హీరోగా, ప్రముఖ నటుడు, దర్శకుడు ఎస్.జే. సూర్య దర్శకత్వంలో వచ్చిన మూవీ ఖుషీ. ఈ చిత్రం బాక్సాఫీస్ వద్ద భారీ బ్లాక్ బస్టర్ గా నిలిచింది. ఈ చిత్రానికి యూత్ లో ఉన్న క్రేజ్ అంతా ఇంతా కాదు. ఈ చిత్రం ఇటీవల రీ-రిలీజ్ కాగా, సూపర్ రెస్పాన్స్ ను సొంతం చేసుకుంది. అయితే సరిపోదా శనివారం చిత్రం ప్రమోషన్స్ లో భాగంగా చిత్ర యూనిట్ పలు ఇంటర్వ్యూలను ఇస్తూ, బిజీగా ఉంది.
అందులో ఎస్.జే. సూర్యను హీరోయిన్ ప్రియాంక మోహన్ ఖుషీ 2 ఎప్పుడు? పవన్ కళ్యాణ్ తో చేస్తారా? అని అడగగా, అందుకు సమాధానం ఇచ్చాడు సూర్య. పవన్ కళ్యాణ్ కోసమని ఖుషీ 2 ను కథను రెడీ చేశాను అని, దానికి టైటిల్ వేరే పెట్టాను అని అన్నారు. కథ పూర్తిగా విని, ఎంజాయ్ చేశారు అని, కానీ లవ్ టుడే కావడంతో, ఇప్పుడు అలాంటివి చేయలేని అని పవన్ తిరస్కరించిన తీరును వెల్లడించాడు సూర్య. ఇక్కడ ఎన్టీఆర్ లాగా, అక్కడ ఎంజీఆర్ ఇలా చేశాడు అని, మీరు చేయొచ్చు కదా అని అడగగా, పవన్ కళ్యాణ్ మాత్రం నో అని చెప్పిన విషయాన్ని వెల్లడించాడు. అయితే ఎస్.జే. సూర్య మాత్రం నో చెప్పినందుకు భాధగా అనిపించింది అని తెలిపాడు.
పవన్ కళ్యాణ్ చేతిలో ప్రస్తుతం ఓజి, హరిహర వీరమల్లు, ఉస్తాద్ భగత్ సింగ్ చిత్రాలు ఉన్నాయి. వీటిని పూర్తి చేసిన తర్వాత వేరే చిత్రాలకి కమిట్ అవుతారా లేదా అనేది తెలియాల్సి ఉంది. ఈ చిత్రాలపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
