పాన్ ఇండియా రెబల్ స్టార్ ప్రభాస్ హీరోగా దర్శకుడు నాగ్ అశ్విన్ కాంబినేషన్ లో తీసిన లేటెస్ట్ భారీ హిట్ చిత్రం “కల్కి 2898 ఎడి” కోసం అందరికీ తెలిసిందే. యూనివర్సల్ హీరో కమల్ హాసన్, అమితాబ్ బచ్చన్ లాంటి లెజెండరీ నటులు కూడా ఈ చిత్రంలో కనిపించగా మేకర్స్ రీసెంట్ గానే ఈ చిత్రాన్ని ఓటిటిలో రిలీజ్ చేశారు. మరి ఈ చిత్రం తెలుగు సహా సౌత్ భాషల్లో ప్రైమ్ వీడియోలో, హిందీలో నెట్ ఫ్లిక్స్ లో వచ్చింది.
అయితే నెట్ ఫ్లిక్స్ లో ఈ చిత్రం ఇప్పుడు గ్లోబల్ లెవెల్లో అదరగొడుతుంది. నాన్ ఇంగ్లీష్ జాబితాలో గడిచిన వారం రోజుల్లో ట్రెండింగ్ లిస్ట్ లో వరల్డ్ వైడ్ గా కల్కి రెండో స్థానంలో ట్రెండ్ అవుతుండగా ఈ కొన్ని రోజుల్లో ఏకంగా 4.5 మిలియన్ వ్యూస్ ఈ చిత్రానికి వచ్చేసాయి. మరి రీసెంట్ టైం లో అయితే ఓ ఇండియన్ సినిమాకి ఇది భారీ మొత్తం అని చెప్పాలి. దీనితో కల్కి గ్లోబల్ మేనియా ఇప్పుడే మొదలైంది అని చెప్పొచ్చు. మరి ముందు రోజుల్లో ఎలాంటి రెస్పాన్స్ ని ఈ చిత్రం అందుకుంటుందో చూడాలి.
