బిగ్ బాస్ 8: ఈసారి అంతా లిమిట్ లెస్ గా..

మన తెలుగు స్మాల్ స్క్రీన్ పై అతిపెద్ద రియాలిటీ షో ఏదన్నా ఉంది అంటే అది బిగ్ బాస్ అనే చెప్పాలి. తెలుగులో ఇప్పుడు వరకు 7 సీజన్లను కంప్లీట్ చేసుకున్న ఈ రియాలిటీ షో ఇప్పుడు 8వ సీజన్లోకి వచ్చేసింది. ఇక దీని కోసం అంతా ఆసక్తిగా చూస్తున్న నేపథ్యంలో మేకర్స్ అంతా అనుకుంటున్నా డేట్ కంటే ఒక వారం ముందే సెప్టెంబర్ 1 నుంచే అవుతున్నట్టుగా ఫిక్స్ చేసారు. అయితే ఇప్పుడు నాగార్జునపై ఒక ఇంట్రెస్టింగ్ ప్రోమోని రిలీజ్ చేశారు.

నాగ్ ఇందులో ఇంట్రెస్టింగ్ లుక్ లో ఒక అల్లావుద్దీన్ లా కనిపిస్తుండగా ఈసారి బిగ్ బాస్ హౌస్ లో అంతా లిమిట్ లేకుండా ఉంటుంది అంటూ ప్రామిస్ చేస్తున్నారు. దీనితో బిగ్ బాస్ ఫ్యాన్స్ లో మరింత ఆసక్తి నెలకొంది. ఇక ఈ అవైటెడ్ షో ఈ సెప్టెంబర్ 1న సాయంత్రం 7 గంటల నుంచి గ్రాండ్ కర్టెన్ రైజ్ ఈవెంట్ తో మొదలు కానుంది. ఆరోజే కొత్త కంటెస్టెంట్స్ అంతా బిగ్ బాస్ హౌస్ లోకి ఎంట్రీ ఇవ్వనున్నారు.