ప్రస్తుతం ఓటిటిలో అదరగొడుతున్న లేటెస్ట్ చిత్రాల్లో రెబల్ స్టార్ ప్రభాస్ హీరోగా దీపికా పడుకోణ్ అలాగే దిశా పటాని కలయికలో దర్శకుడు నాగ్ అశ్విన్ తెరకెక్కించిన సెన్సేషనల్ పాన్ ఇండియా హిట్ చిత్రం “కల్కి 2898 ఎడి” కూడా ఒకటి. రెండు ఓటిటి ప్లాట్ ఫాన్స్ లో పాన్ ఇండియా భాషల్లో ఈ చిత్రం ఇపుడు అందుబాటులో ఉంది. అయితే ఈ చిత్రాన్ని ఇప్పుడు మరో దేశంలో థియేట్రికల్ గా రిలీజ్ చేసేందుకు సన్నాహాలు చేస్తున్నట్టుగా టాక్ వినిపిస్తుంది.
దీని ప్రకారం కల్కి 2898 ఎడి ఈ రానున్న సెప్టెంబర్ నెలలో రిలీజ్ కి సిద్ధం చేస్తున్నట్టుగా ఇప్పుడు రూమర్స్ వినిపిస్తున్నాయి. ఇప్పుడు మేకర్స్ ఈ పనుల్లోనే ఉన్నట్టుగా తెలుస్తుంది. మరి దీనిపై మరింత క్లారిటీ రావాల్సి ఉంది. అలాగే ఈ సినిమాని జపాన్ లో కూడా తర్వాత ఎలాగో రిలీజ్ చేస్తారు. అక్కడ ఎలాంటి రెస్పాన్స్ ని అందుకుంటుందో చూడాలి. అయితే మన తెలుగు నుంచి ఆల్రెడీ ఐకాన్ స్టార్ అల్లు అర్జున్ నటించిన పుష్ప మొదటి సినిమా రష్యా లో రిలీజ్ అయ్యింది. మరి కల్కి రష్యా లో ఎలాంటి రెస్పాన్స్ ని అందుకుంటుందో వేచి చూడాలి.
