“గేమ్ ఛేంజర్” తో క్లాష్ కి సిద్ధమైన “విడుదల 2”

కోలీవుడ్ స్టార్ డైరెక్టర్ శంకర్ దర్శకత్వంలో, మెగా పవర్ స్టార్ రామ్ చరణ్ ప్రధాన పాత్రలో నటిస్తున్న పొలిటికల్ యాక్షన్ ఎంటర్టైనర్ గేమ్ ఛేంజర్. ఈ డిసెంబర్ లో క్రిస్మస్ కానుకగా ప్రేక్షకుల ముందుకు ఈ చిత్రం రాబోతుంది. నిర్మాత దిల్ రాజు కన్ఫర్మ్ చేసిన సంగతి తెలిసిందే. ఈ చిత్రానికి సంబంధించిన మరిన్ని వివరాలు త్వరలో వెలువడాల్సి ఉంది. అయితే తాజాగా మరొక ఇంట్రెస్టింగ్ మూవీ ఈ గేమ్ ఛేంజర్ తో క్లాష్ కి రెడీ అయిపోయింది.

సూరి, విజయ్ సేతుపతి ప్రధాన పాత్రల్లో, దర్శకుడు వెట్రిమారన్ దర్శకత్వంలో తెరకెక్కిన విడుదల చిత్రం సూపర్ హిట్ గా నిలిచింది. ఈ చిత్రానికి సీక్వెల్ ను విడుదల పార్ట్ 2 గా మేకర్స్ కన్ఫర్మ్ చేశారు. తాజాగా ఈ చిత్రానికి సంబంధించిన రిలీజ్ డేట్ ను పోస్టర్ ద్వారా వెల్లడించారు. డిసెంబర్ 20, 2024 న వరల్డ్ వైడ్ గా థియేటర్లలోకి రానుంది. దీంతో రామ్ చరణ్ గేమ్ ఛేంజర్ తో క్లాష్ కి సిద్ధం అన్నట్లు తెలుస్తోంది. ఈ రెండు చిత్రాలపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. కోలీవుడ్ లో మాత్రం గేమ్ ఛేంజర్ కి విడుదల పార్ట్ 2 గట్టి పోటీ ఇవ్వనుంది. మరి గేమ్ ఛేంజర్ మేకర్స్ ఎలాంటి నిర్ణయం తీసుకుంటారో చూడాలి.