కళాసృష్టి ఇంటర్నేషనల్, మనిదీప్ ఎంటర్‌టైన్మెంట్ బ్యానర్‌పై మహిపాల్ రెడ్డి డైరెక్ట్ చేస్తున్న చిత్రం ‘ఉద్వేగం’. ఈ చిత్రానికి ‘ఫస్ట్ కేసు’ అనేది ట్యాగ్ లైన్. ఇక ఈ సినిమాలో త్రిగున్, శ్రీకాంత్ అయ్యంగార్ ప్రధాన పాత్రల్లో నటిస్తున్నారు. ఈ చిత్రానికి శంకర్ లుకలపుమధు నిర్మాతగా వ్యవహరిస్తున్నారు. తాజాగా ‘ఉద్వేగం’ చిత్రానికి సంబంధించిన టీజర్‌ను సెన్సేషనల్ డైరెక్టర్ రామ్ గోపాల్ వర్మ చేతుల మీదుగా లాంచ్ చేశారు.
ప్రముఖ సెన్సెషనల్ డైరెక్టర్ రామ్ గోపాల్ వర్మ చేతుల మీదుగా ఈ చిత్రం టీజర్ రిలీజ్ అయింది. ఈ చిత్రంలో త్రిగున్, శ్రీకాంత్ భరత్, సురేష్ నాయుడు, పరుచూరి గోపాలకృష్ణ, శివ కృష్ణ, ఐడ్రీమ్ అంజలి తదితరులు నటిస్తున్నారు.
ఈ సందర్భంగా రామ్ గోపాల్ వర్మ మాట్లాడుతూ.. కోర్టు రూమ్ డ్రామాతో తెలుగులో చాలా తక్కువ సినిమాలు వచ్చాయి. ట్రైలర్ చూసిన తరువాత చాలా సిన్సియర్ అటెంప్ట్ అనపించిందని ఆర్జీవి అన్నారు. యాక్టర్స్ చాలా సహజంగా నటించారని..టీజర్ చూస్తే అర్థమవుతోంది. ఈ చిత్రం కచ్చితంగా తెలుగు పరిశ్రమలో వండర్ క్రీయేట్ చేయబోతుందని ఆయన పేర్కొన్నారు.
కోర్టు రూమ్ డ్రామాల్లో మంచి సస్పెన్స్ ఉంటుంది. తెలుగులో వచ్చిన ‘వకీల్ సాబ్’ చిత్రం తరువాత అంత డ్రామా, సస్పెన్స్ ఉన్న చిత్రం ‘ఉద్వేగం’ అవుతుందని మేకర్స్ చెబుతున్నారు. టీజర్‌లోని డైలాగ్స్ చాలా బాగున్నాయని.. సస్పెన్స్‌తో పాటు ఎమోషన్స్ సైతం ఉన్నాయని వారు తెలిపారు. ఈ సినిమా ప్రేక్షకులకు ఎంటర్‌టైన్మెంట్‌తో పాటు నాలెడ్జ్ కూడా అందిస్తుందని మేకర్స్ చెబుతున్నారు.
