రెబల్ స్టార్ ప్రభాస్ వరుస పాన్ ఇండియా చిత్రాలతో ఇండియాలోనే నంబర్ వన్ స్టార్ హీరోగా ఎదిగాడు. ఈ క్రమంలో ఆదిపురుష్ చిత్రం ఎన్నడూ లేని విధంగా భారీగా ట్రోలింగ్ కి గురి అయ్యింది. ఈ చిత్రానికి దర్శకత్వం వహించిన దర్శకుడు ఓం రౌత్ పై అభిమానులు మాత్రమే కాకుండా, సగటు సినీ ప్రేక్షకుడు సైతం ఘాటుగా విమర్శలు గుప్పించాడు. తాజాగా ఈ చిత్రం రిజల్ట్ పై దర్శకుడు ఓం రౌత్ పలు వ్యాఖ్యలు చేశాడు.
ఆదిపురుష్ చిత్రం ప్రేక్షకుల అంచనాలను అందుకోవడంలో విఫలం అయ్యిందేమో కానీ, బాక్సాఫీస్ వద్ద మాత్రం బాగానే రాణించింది. సోషల్ మీడియాలో వచ్చే ట్రోల్స్ గురించి పట్టించుకోవాల్సిన అవసరం లేదు. సినిమా బాక్సాఫీస్ వద్ద వర్క్ అయ్యిందా లేదా అనేది మ్యాటర్. మొదటి రోజు ఇండియాలో 70 కోట్లకు పైగా, ఫుల్ రన్ లో 400 కోట్ల రూపాయలకి పైగా వసూళ్లు రాబట్టింది. కేవలం తెలుగు రాష్ట్రాల్లోనే 200 కోట్ల రూపాయలకి పైగా వసూళ్లు సాధించింది అంటూ చెప్పుకొచ్చాడు. ఈ కామెంట్స్ సోషల్ మీడియాలో వైరల్ గా మారాయి.
