టాలీవుడ్‌లో క్యారెక్టర్ ఆర్టిస్ట్‌గా మంచి గుర్తింపు తెచ్చుకున్న నటుడు రాజా రవీంద్ర ప్రధాన పాత్రలో నటించిన మూవీ ‘సారంగదరియా’. ఈ సినిమా జూలై 12న థియేటర్లలో రిలీజ్ అయ్యింది. అయితే, బాక్సాఫీస్ దగ్గర ఈ సినిమా అనుకున్న స్థాయిలో ప్రేక్షకులను ఆకట్టుకోలేకపోయింది. ఇక ఇప్పుడు ఈ సినిమా ఓటీటీ స్ట్రీమింగ్‌కు రెడీ అయ్యింది.
ప్రముఖ ఓటీటీ ప్లాట్‌ఫామ్ ఆహాలో ‘సారంగదరియా’ చిత్రం స్ట్రీమింగ్ కానుంది. ఆగస్టు 31 నుంచి ఈ సినిమా ఆహాలో స్ట్రీమింగ్ కానుంది. ఈ సినిమా ఓటీటీ ఆడియెన్స్‌ను అలరిస్తుందని మేకర్స్ భావిస్తున్నారు. ఈ సినిమాలో ఫ్యామిలీ ఎమోషన్స్ ఆడియెన్స్‌కి కనెక్ట్ అవుతాయని వారు అంటున్నారు.
‘సారంగదరియా’ చిత్రాన్ని పద్మారావు అబ్బిశెట్టి డైరెక్ట్ చేయగా ఉమాదేవి, శరత్ చంద్ర ప్రొడ్యూస్ చేశారు. ఈ సినిమాలో శ్రీకాంత్ అయ్యంగార్, శివ కుమార్ రామచంద్రవరపు, యశస్విని, మొయిన్ మహమ్మద్ తదితరులు ఇతర ముఖ్య పాత్రల్లో నటించారు.
