ప్రముఖ దర్శకుడు వెంకట్ ప్రభు దర్శకత్వంలో, శింబు ప్రధాన పాత్రలో తెరకెక్కిన మానాడు సౌత్ సినిమాల్లో అత్యుత్తమ చిత్రాలలో ఒకటి. అందుకే, అప్పట్లో ఈ దర్శకుడు నాగ చైతన్యతో కస్టడీ చిత్రాన్ని ప్రకటించడంతో అంచనాలు భారీగా ఉన్నాయి. దురదృష్టవశాత్తూ ఈ కాప్ డ్రామా అంచనాలను అందుకోలేకపోయింది. ఇప్పుడు దర్శకుడు కోలీవుడ్ స్టార్ హీరో విజయ్ ప్రధాన పాత్రలో ది గోట్ అనే యాక్షన్ ఎంటర్టైనర్‌తో వస్తున్నాడు. ప్రమోషన్స్ సందర్భంగా వెంకట్ ప్రభు ఓ పెద్ద స్టేట్మెంట్ ఇవ్వడం ఇప్పుడు చర్చనీయాంశంగా మారింది.
స్క్రీన్‌ప్లేను ఆడియెన్స్ అంచనా వేయలేరని నేను సవాలు చేయగలను. సినిమా ఎటువైపు వెళ్తుందో వారు చెప్పలేరు. ఈ గోట్ చిత్రం మంకథా పై స్టెరాయిడ్స్ లా ఉంటుంది. నేను ట్రైలర్‌లో జానర్‌ని వెల్లడించాను, కానీ ఎవరూ, సరిగ్గా ఊహించలేరు అని అన్నాడు. కథనం గందరగోళంగా ఉండదని, సినిమా సులభంగా అర్థమయ్యేలా ఉంటుంది. ఇది శరవేగంగా సాగే సినిమా. మంకాథలో నేను ఎమోషన్స్‌ని పెద్దగా టచ్ చేయలేదు కానీ ఇక్కడ ఆ అంశం కనిపించింది. ట్రేడ్‌మార్క్ విజయ్ ఎలిమెంట్స్‌తో హాలీవుడ్ తరహా సినిమాలా ఉంటుంది’’ అని అన్నాడు.
