బాలీవుడ్ యంగ్ అండ్ టాలెంటెడ్ హీరో లక్ష్య హీరోగా తన్యా మణిక్తలా హీరోయిన్ గా మరో యంగ్ అండ్ టాలెంటెడ్ నటుడు రాఘవ్ జుయల్ నటించిన చిత్రం “కిల్” చిత్రం సెట్ చేసిన సెన్సేషన్ కోసం తెలిసిందే. దర్శకుడు నిఖిల్ నగేష్ భట్ తెరకెక్కించిన ఈ చిత్రం హిందీలో సాలిడ్ వసూళ్లు అందుకొని అదరగొట్టింది. అయితే హిందీలో ఎంతగానో అలరించిన ఈ చిత్రం ఓటిటి రిలీజ్ పై కూడా మంచి డిమాండ్ నెలకొంది.
గత కొన్ని వారాల కితమే ప్రైమ్ వీడియోలో యూఎస్ ఆడియెన్స్ కోసం రాగా ఇండియాలో ఇప్పుడు డేట్ ని అలాగే స్ట్రీమింగ్ పార్ట్నర్ ని ఫిక్స్ చేసుకుంది. ఇండియాలో ఈ చిత్రాన్ని డిస్నీ+ హాట్ స్టార్ వారు సొంతం చేసుకోగా ఇందులో ఈ సెప్టెంబర్ 6న వినాయక చవితి కానుకగా రావడానికి సిద్ధం అయ్యింది. మరి ఈ సినిమా కోసం ఎదురు చూస్తున్న వారు ఇంకొక్క వారం రోజులు ఆగితే సరిపోతుంది అని చెప్పాలి. మరి ఓటిటిలో వచ్చాక మన వాళ్ళు ఎలాంటి రెస్పాన్స్ అందిస్తారో చూడాలి.
