మన తెలుగు స్ట్రీమింగ్ యాప్ ఆహాలో పలు ఒరిజినల్ సిరీస్ లు సినిమాలతో పాటుగా పలు షోస్ కూడా చేస్తున్న సంగతి తెలిసిందే. వాటిలో తెలుగు ఇండియన్ ఐడల్ కూడా ఒకటి. ఇపుడు సీజన్ 3 మంచి రసవత్తరంగా జరుగుతోంది. ప్రతి వారం ఎపిసోడ్ అభిమానులకు థ్రిల్ పంచుకున్నాయి. ఇప్పుడీ మెగా మ్యూజిక్ షోలో మరో స్పెషల్ మూమెంట్. ఈ షోకి జడ్జ్ గా ఉంటున్న సెన్సేషనల్ కంపోజర్ థమన్ అమ్మ గారు కార్యక్రమానికి చీఫ్ గెస్ట్ గా వచ్చారు. దీనికి సంబధించిన ప్రోమో ఇప్పుడు వైరల్ గా మారింది.
మరి ఈ ప్రోమోలో థమన్ కోసం తన మాతృమూర్తి చాలా ఆసక్తికరమైన విషయాలు పంచుకున్నారు. ఘంటసాల సాయి శ్రీనివాస్ అలియాస్ తమన్ చిన్నప్పటి ముచ్చట్లు చెప్పారు. థమన్ చిన్నప్పుడు క్లాస్ రూమ్ లో కన్నా మైదానంలోనే ఎక్కువగా వుండేవాడని, తనకి అస్సలు భయం లేదని, స్కూళ్లలో గొడవలు వచ్చేవని చెప్పారు. అలాగే తోటి పిల్లల టిఫిన్ బాక్స్ లు ఓపెన్ చేసి తినేసేవాడని కంప్లయింట్ లు వుండేవని అలనాటి జ్ఞాపకాలు గుర్తు చేసుకున్నారు.
అయితే తను చాలా హార్డ్ వర్కర్ చేస్తాడని, వర్క్ అయ్యే వరకు తిండి కూడా పట్టించుకోడని, సంగీతం క్రికెట్ తనకి మరో ప్రపంచం లేదని .. ఇలా చాలా సంగతులు చెప్పారు. ఇలా మంచి ఎమోషనల్ గా హార్ట్ టచ్చింగ్ అనిపిస్తున్న ఎపిసోడ్ కోసం ఆహా లో శుక్రవారం,శనివారం రాత్రి 7 గంటలకు ప్రసారమయ్యే తెలుగు ఇండియన్ ఐడల్ సీజన్ 3 ని మిస్ అవ్వకుండా చూడాల్సిందే.
