కోలీవుడ్ స్టార్ డైరెక్టర్ లోకేష్ కనగరాజ్ దర్శకత్వంలో తెరకెక్కుతున్న యాక్షన్ థ్రిల్లర్ కూలీ. సూపర్ స్టార్ రజినీకాంత్ ప్రధాన పాత్రలో నటిస్తున్న ఈ చిత్రం వచ్చే ఏడాది థియేటర్లలోకి రాబోతుంది. ఇప్పటికే ఈ చిత్రం నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి సూపర్ రెస్పాన్స్ వచ్చింది. తాజాగా ఈ చిత్రం నుండి శృతి హాసన్ లుక్ కి సంబంధించిన పోస్టర్ ను మేకర్స్ రిలీజ్ చేశారు.
ఈ చిత్రంలో శృతి హాసన్ ప్రీతి పాత్రలో కనిపించనుంది. అదే విషయాన్ని మేకర్స్ పోస్టర్ ద్వారా వెల్లడించారు. శృతి హాసన్ లుక్ అభిమానులను బాగా ఆకట్టుకుంటుంది. ఈ చిత్రంలో పలువురు సినీ ప్రముఖులు కీలక పాత్రల్లో కనిపించనున్నారు. సన్ పిక్చర్స్ పతాకంపై నిర్మిస్తున్న ఈ చిత్రానికి రాక్ స్టార్ అనిరుధ్ రవి చందర్ సంగీతం అందిస్తున్నాడు. ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
