నాచురల్ స్టార్ నాని హీరోగా నటించిన లేటెస్ట్ యాక్షన్ ఎంటర్టైనర్ సరిపోదా శనివారం చిత్రం థియేటర్లలో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. బాక్సాఫీస్ వద్ద మంచి రెస్పాన్స్ తో దూసుకు పోతుంది. ఈ సక్సెస్ సాధించడం పట్ల చిత్ర యూనిట్ సంతోషం వ్యక్తం చేస్తోంది. ఈ నేపథ్యంలో చిత్ర యూనిట్ రేపు ప్రెస్ మీట్ లో పాల్గొననుంది.
రేపు హోటల్ అవస, హైటెక్ సిటీ లో ఈ ప్రెస్ మీట్ ఉండనుంది. మధ్యాహ్నం 2:00 గంటలకు ఈ ప్రెస్ మీట్ ప్రారంభం కానుంది. ఇదే విషయాన్ని మేకర్స్ పోస్టర్ ద్వారా వెల్లడించారు. ప్రియాంక మోహన్ హీరోయిన్ గా నటించిన ఈ చిత్రంలో విలక్షణ నటుడు ఎస్ జే సూర్య విలన్ పాత్రలో నటించాడు. జేక్స్ బెజోయ్ సంగీతాన్ని అందించిన ఈ చిత్రం లాంగ్ రన్ లో భారీ వసూళ్లను రాబట్టే అవకాశాలు ఉన్నాయి.
