మ్యాన్ ఆఫ్ మాసెస్ ఎన్టీఆర్ హీరోగా చేస్తున్న అవైటెడ్ భారీ చిత్రం “దేవర” కోసం అందరికీ తెలిసిందే. అయితే ఈ చిత్రంతో పాటుగా మరో భారీ సినిమా వార్ 2 అలాగే సెన్సేషనల్ దర్శకుడు ప్రశాంత్ నీల్ తో ఓ సినిమా చేయనున్నాడు. ఇలా క్రేజీ లైనప్ తో ఉన్న తారక్ ఇప్పుడు చిన్న స్పేస్ తీసుకొని కర్ణాటకలో బిజీగా ఉన్నాడు. అక్కడ స్టార్ హీరో రిషబ్ శెట్టితో కలిసి కనిపిస్తున్న తారక్ పై అక్కడి మీడియాలో ఇంట్రెస్టింగ్ ప్రశ్న ఎదురయ్యింది.
ఇప్పుడు రిషబ్ చేస్తున్న కాంతార 1 లో మీరు కూడా ఉన్నారా అనే ప్రశ్నకి తారక్ చేసిన ఇంట్రెస్టింగ్ కామెంట్స్ వైరల్ గా మారాయి. దీనిపై తారక్ మాట్లాడుతూ రిషబ్ ప్లాన్ చేస్తే అందుకు నేను సిద్ధమే అంటూ బదులిచ్చాడు. దీనితో తన కామెంట్స్ ఇప్పుడు వైరల్ గా మారాయి. మరి నిజంగానే తారక్ ఈ భారీ సినిమాలో కనిపిస్తాడా లేదా అనేది చూడాలి. ఇక ఈ చిత్రానికి అజనీష్ సంగీతం అందిస్తుండగా హోంబళే ఫిల్మ్స్ వారు నిర్మాణం వహిస్తున్నారు.
