‘పవన్’ కి ఉస్తాద్ టీమ్ నుంచి స్పెషల్ విషెస్

ఏపీ ఉప ముఖ్యమంత్రి, పవర్ స్టార్ పవన్ కళ్యాణ్ పుట్టినరోజు నేడు. పవర్ స్టార్ కి పుట్టినరోజు శుభాకాంక్షలు చెప్పడానికి అభిమానులతో పాటు సినీ, రాజకీయ ప్రముఖులు కూడా పోటీ పడుతున్నారు. ఈ క్రమంలో… మైత్రి మూవీ మేకర్స్ అధినేతలు మరియు దర్శకుడు హరీష్ శంకర్.. పవన్ కి పుట్టినరోజు శుభాకాంక్షలు చెప్పారు. ఈ సందర్భంగా పవన్ కళ్యాణ్ తో దిగిన ఫోటోను షేర్ చేస్తూ ఓ మెసేజ్ పెట్టారు.

‘పవన్ కళ్యాణ్ గారు మీరు ఇలాగే మరెన్నో పుట్టినరోజు శుభాకాంక్షలు జరుపుకోవాలి. మీకు అద్భుతమైన విజయాన్ని అందించిన సంవత్సరం ఇది. మీతో మాకు విలువైన లెజెండరీ మూమెంట్స్ ఉన్నాయి. ఆ ఆనంద క్షణాల గురించి మాటల్లో చెప్పలేం. మీరు ఇలాగే మీ అసమానమైన తేజస్సుతో మరిన్ని ఉన్నత స్థానాలకు చేరుకోవాలని కోరుకుంటున్నాం. మరొక్కసారి మీకు పుట్టినరోజు శుభాకాంక్షలు’ అని పోస్ట్ చేశారు.

వీరి కలయికలో “ఉస్తాద్ భగత్ సింగ్” సినిమా వస్తున్న సంగతి తెలిసిందే. ఈ చిత్రానికి దేవిశ్రీ ప్రసాద్ సంగీతం అందిస్తుండగా మైత్రి మూవీ మేకర్స్ నిర్మాణం వహిస్తున్నారు.