యంగ్ బ్యూటీ నివేదా థామస్ నటిస్తున్న లేటెస్ట్ మూవీ ‘35 – చిన్న కథ కాదు’ ఇప్పటికే రిలీజ్‌కు రెడీ అయ్యింది. ఈ సినిమాను కిషోర్ ఈమని డైరెక్ట్ చేయగా, పూర్తి ఫ్యామిలీ ఎంటర్‌టైనర్‌గా ఈ సినిమా ప్రేక్షకుల ముందుకు రానుంది. ఇక ఈ సినిమాకు సంబంధించి తాజాగా సెన్సార్ పనులు కూడా ముగిశాయి.
ఈ చిత్రానికి సెన్సార్ బోర్డు క్లీన్ ‘యు’ సర్టిఫికెట్ జారీ చేసింది. అన్ని వర్గాల ఆడియెన్స్‌ని ఈ సినిమా అలరిస్తుందని మేకర్స్ చెబుతున్నారు. ఇక ఈ సినిమాలో నివేదా థామస్ ఓ తల్లి పాత్రలో నటించడంతో ఆడియెన్స్‌లో ఈ సినిమాపై ఆసక్తి నెలకొంది. దీనికి తోడుగా ఈ సినిమా టీజర్, ట్రైలర్లు కూడా ఆకట్టుకునేలా ఉండటంతో ‘35-చిన్న కథ కాదు’పై పాజిటివ్ వైబ్స్ క్రియేట్ అయ్యాయి.
ఇక ఈ సినిమాలో విశ్వదేవ్, ప్రియదర్శి, గౌతమి తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు వివేక్ సాగర్ సంగీతం అందించగా, రానా దగ్గుబాటి ఈ చిత్రాన్ని ప్రెజెంట్ చేస్తున్నాడు. సెప్టెంబర్ 6 ఈ సినిమా థియేటర్లలో గ్రాండ్ రిలీజ్‌కి రెడీ అయ్యింది.
