సరికొత్త అప్డేట్‌ను సిద్ధం చేసిన ‘దేవర’

టాలీవుడ్‌లో తెరకెక్కిన ప్రెస్టీజియస్ చిత్రం ‘దేవర’ కోసం అభిమానులు, ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాతో మ్యాన్ ఆఫ్ మాసెస్ జూ.ఎన్టీఆర్ బాక్సాఫీస్ దగ్గర సరికొత్త రికార్డులు క్రియేట్ చేయడం ఖాయమని చిత్ర యూనిట్ చెబుతోంది. దర్శకుడు కొరటాల శివ తెరకెక్కించిన ఈ మాస్ యాక్షన్ ఎంటర్‌టైనర్ నుంచి మరో ఇంట్రెస్టింగ్ అప్డేట్ రానుంది.

ఈ సినిమా నుంచి ఇప్పటికే రెండు సాంగ్స్‌ను రిలీజ్ చేశారు. అయితే, ఇప్పుడు ఈ సినిమాలోని మూడో పాటకు సంబంధించిన అప్డేట్‌ను సాయంత్రం 7.02 గంటలకు అనౌన్స్ చేయబోతున్నట్లు మేకర్స్ తాజాగా ప్రకటించారు. దీంతో అభిమానులు ఈ అప్డేట్ ఎలా ఉండబోతుందా అని ఆసక్తిగా చూస్తున్నారు.

ఈ సినిమాలో ఎన్టీఆర్ రెండు వైవిధ్యమైన లుక్స్‌లో కనిపించనున్నాడు. జాన్వీ కపూర్, సైఫ్ అలీ ఖాన్‌ల పర్ఫార్మెన్స్‌తో ప్రేక్షకులను కట్టిపడేయనున్నారు. అనిరుధ్ రవిచందర్ సంగీతం అందించిన ఈ సినిమాను సెప్టెంబర్ 27న రిలీజ్ చేయనున్నారు.