ఇటీవల తెలుగు సినీ పరిశ్రమలో చిన్న చిత్రాలు పెద్ద సక్సెస్ ను సాధిస్తున్నాయి. ఇటీవల రిలీజైన 35 చిన్న కథ కాదు ట్రైలర్ సినిమా పై అందరిలో ఆసక్తిని పెంచుతోంది. నివేతా థామస్ ప్రధాన పాత్రలో నటించిన ఈ చిత్రానికి నంద కిషోర్ ఈమని దర్శకత్వం వహిస్తున్నాడు. సెప్టెంబర్ 6 వ తేదీన వరల్డ్ వైడ్ గా థియేటర్లలోకి రాబోతున్న ఈ చిత్రం తాజాగా సెన్సార్ కార్యక్రమాలను పూర్తి చేసుకుంది.
రిలీజ్ డేట్ కి దగ్గర పడుతుండటంతో మేకర్స్ ప్రీ రిలీజ్ ఈవెంట్ ను ప్లాన్ చేశారు. రేపు సాయంత్రం 6:00 గంటల నుండి హోటల్ దస్పల్ల కన్వెన్షన్ లో ప్రారంభం కానున్న ఈ ఈవెంట్ కి నాచురల్ స్టార్ నాని ముఖ్య అతిథిగా హాజరు కానున్నాడు. విశ్వదేవ్ రాచకొండ, ప్రియదర్శి కీలక పాత్రల్లో నటిస్తున్న ఈ చిత్రానికి వివేక్ సాగర్ సంగీతం అందించాడు.
