లియో చిత్రం తర్వాత కోలీవుడ్ స్టార్ డైరెక్టర్ లోకేష్ కనగరాజ్ దర్శకత్వంలో తెరకెక్కుతున్న యాక్షన్ థ్రిల్లర్ కూలీ. సూపర్ స్టార్ రజినీకాంత్ ప్రధాన పాత్రలో నటిస్తున్న ఈ చిత్రంలో అక్కినేని నాగార్జున, శృతి హాసన్, సత్యరాజ్, ఉపేంద్ర, సౌభిన్ సాహిర్, మహేంద్రన్ లు కీలక పాత్రల్లో కనిపించనున్నారు. ఈ చిత్రం నుండి మేకర్స్ ఫస్ట్ లుక్ పోస్టర్లతో పాటుగా, క్యారెక్టర్లు రివీల్ చేస్తున్న సంగతి తెలిసిందే.
నేడు సూపర్ స్టార్ రజినీకాంత్ యొక్క క్యారెక్టర్ పోస్టర్ ను విడుదల చేశారు. ఈ చిత్రంలో సూపర్ స్టార్ రజినీకాంత్ దేవా పాత్రలో కనిపించనున్నాడు. 1421 అనే నంబర్ ప్లేట్ ను పట్టుకొని ఉన్నట్లుగా రజినీకాంత్ పోస్టర్ ఉంది. ఈ లుక్ అభిమానులను బాగా ఆకట్టుకుంటుంది. సన్ పిక్చర్స్ పతాకంపై కళానిధి మారన్ నిర్మిస్తున్న ఈ చిత్రానికి రాక్ స్టార్ అనిరుధ్ రవి చందర్ సంగీతం అందిస్తున్నాడు. వచ్చే ఏడాది థియేటర్ల లోకి రాబోతున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
