టాలీవుడ్‌లో తెరకెక్కిన క్రేజీ సీక్వెల్ మూవీ ‘మత్తు వదలరా 2’ కోసం ప్రేక్షకులు ఆసక్తిగా ఎదురుచూస్తున్నారు. ఇటీవల రిలీజ్ అయిన ఈ మూవీ టీజర్ ఆద్యంతం ఆకట్టుకునేలా ఉండటంతో ఈ సినిమాపై బజ్ క్రియేట్ అయ్యింది. ఇక ఈ సినిమాతో శ్రీసింహా మరోసారి హిట్ అందుకోవడం ఖాయమని చిత్ర యూనిట్ కాన్ఫిడెన్స్‌గా ఉంది.
అయితే, ఈ సినిమాలో కమెడియన్ సత్య కూడా కీలక పాత్రలో నటిస్తున్నాడు. టీజర్‌లో ఆయన పండించిన కామెడీ ఆడియెన్స్‌ని ఆకట్టుకుంది. కాగా, తాజాగా ఆయన తన పాత్రకు సంబంధించిన డబ్బింగ్ పనులు కూడా ముగించాడు. దీనికి సంబంధించిన ఫోటో సోషల్ మీడియాలో వైరల్ అవుతోంది. ఇక ఈ సినిమాతో ఆడియెన్స్ మరోసారి పూర్తిగా ఎంటర్‌టైన్ అవుతారని ఆయన చెబుతున్నారు.
ఈ సినిమాను రితేశ్ రానా డైరెక్ట్ చేయగా అందాల భామ ఫరియా అబ్దుల్లా హీరోయిన్‌గా నటిస్తోంది. ఈ చిత్రానికి కాళ భైరవ సంగీతం అందిస్తున్నాడు. సెప్టెంబర్ 13న ఈ చిత్రాన్ని రిలీజ్ చేసేందుకు మేకర్స్ రెడీ అవుతున్నారు.
