మ్యాన్ ఆఫ్ మాసెస్ జూ.ఎన్టీఆర్ నటిస్తున్న లేటెస్ట్ మూవీ ‘దేవర’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు కొరటాల శివ డైరెక్ట్ చేస్తుండగా ఇప్పటికే ఈ సినిమాపై భారీ అంచనాలు క్రియేట్ అయ్యాయి. ఈ చిత్రానికి సంబంధించిన వీడియో గ్లింప్స్, సాంగ్స్‌కి సెన్సేషనల్ రెస్పాన్స్ రావడంతో, ఈ సినిమాను ఎప్పుడెప్పుడు చూద్దామా అని అందరూ ఆసక్తిగా చూస్తున్నారు.
‘దేవర’ చిత్రానికి ఓవర్సీస్‌లోనూ భారీ హైప్ క్రియేట్ అయ్యింది. అయితే, నార్త్ అమెరికాలో ‘దేవర’ భారీ టార్గెట్‌తో రాబోతున్నట్లు తెలుస్తోంది. ఈ సినిమా అక్కడ బ్రేక్-ఈవెన్‌కి చేరుకోవాలంటే ఏకంగా 5.25 మిలియన్ డాలర్లు కలెక్ట్ చేయాలని తెలుస్తోంది. దేవర మూవీపై అంచనాలు ఏ రేంజ్‌లో ఉన్నాయో ఈ టార్గెట్ చూస్తే అర్థమవుతోందని అభిమానులు నెట్టింట కామెంట్ చేస్తున్నారు.
జూ.ఎన్టీఆర్ సరసన బాలీవుడ్ భామ జాన్వీ కపూర్ హీరోయిన్‌గా నటిస్తోంది. సైఫ్ అలీ ఖాన్ విలన్‌గా నటిస్తున్న ఈ సినిమాకు అనిరుధ్ రవిచందర్ సంగీతం అందిస్తున్నాడు. ఇక ఈ సినిమాను సెప్టెంబర్ 27న ప్రపంచవ్యాప్తంగా గ్రాండ్ రిలీజ్ చేసేందుకు మేకర్స్ సిద్ధమవుతున్నారు.
